Sanço bu şərtlə "Yuventus"a keçə bilər

"Mançester Yunayted"in cinah oyunçusu Cedon Sanço karyerasını "Yuventus"da davam etdirməyə yaxındır.

90deqiqe.Az-ın “ La Gazzetta dello Sport”a istinadən məlumatına görə,Turin klubu 24 yaşlı futbolçu üçün danışıqları davam etdirir. Üstəlik, bu transferi həyata keçirmək üçün “qoca sinyora” daha iki futbolçunu – yarımmüdafiəçi Artur Melo və cinah yarımmüdafiəçisi Filip Kostiçi satmalıdır.

Bildirilir ki, “Mançester Yunayted” Sançonun icarə müqaviləsinə 2025-ci ilin yayında məcburi satınalma variantının daxil edilməsini istəyir. 

Ötən mövsüm Sanço icarə əsasında Dortmund "Borussiya"sında çıxış edib. 24 yaşlı yarımmüdafiəçinin "Mançester Yunayted"lə hazırkı müqaviləsi 2026-cı ilin yayında başa çatır. Onun bazar dəyəri 30 milyon avrodur.