"Çelsi" Sanço üçün "MY"ə iki rəsmi təklif göndərib

"Mançester Yunayted"in yarımmüdafiəçisi Cedon Sanço "Çelsi"yə keçməyə yaxınlaşır.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O London klubunun 24 yaşlı futbolçu üçün "Mançester Yunayted"ə iki rəsmi təklif etdiyini və hazırda tərəflər arasında danışıqların davam etdiyini qeyd edib.

Qeyd olunur ki, təkliflər tamamilə fərqli maliyyə şərtlərinə malikdir. Artıq yarımmüdafiəçi ilə müqavilənin şərtlərinin razılaşdırıldığı bildirilir. Xatırladaq ki, Jaedon Sancho ötən mövsümün ikinci yarısını icarə əsasında Dortmund “Borussiya”sında keçirib.