Keşlə heyətinə yeni futbolçu cəlb etməyə hazırlaşır.
Corner.az-ın əldə etdiyi məlumata görə, paytaxt klubu paraqvaylı hücumçu Lorenso Frutonu transfer edib.
Məşqçilər korpusu tərəfindən bəyənilən 30 yaşlı futbolçu müqavilə imzalamaq üçün “Keşlə”nin düşərgəsinə gəlib. Paytaxt təmsilçisinin tezliklə bu transferi açıqlaması gözlənilir.
Fruto son olaraq Venesuelanın “Deportivo” (Lara) klubunda çıxış edib. O, daha öncə Paraqvayın “Sol de Amerika”, “Rubio Nu, “İndependyente” və Salvadorun “Sante Tekla” klublarında da forma geyinib.
