Argentinalı “Tottenhem”i La Liqa klubuna dəyişdi

Argentinalı yarımmüdafiəçi Covani lo Selso “Tottenhem”dən ayrılaraq İspaniya çempionatına keçib.

90deqiqe.Az xəbər verir ki, 28 yaşlı yarımmüdafiəçi karyerasını “Betis”də davam etdirəcək. Tərəflər arasında 2028-ci ilin ortalarına qədər nəzərdə tutulan uzunmüddətli əmək müqaviləsi imzalanıb.

Futbolçunun transferi Sevilya klubuna 8,4 milyona başa gəlib.

Ötən mövsüm Coovani İngiltərə çempionatının 22 oyununda iştirak edib. Yarımmüdafiəçi iki qol vurub və iki məhsuldar ötürmə edib. La Liqanın iki turunun nəticələrinə əsasən, "Betis" turnir cədvəlinin 15-ci pilləsində qərarlaşıb.