Oçoanın yeni klubu bilindi

Meksikalı qapıçı Gilyermo Oçoa Portuqaliyanın "ABC SAD" klubu ilə müqavilə imzalayıb.

90deqiqe.Az xəbər verir ki, bu barədə klubun rəsmi saytı məlumat yayıb.

Portuqaliya klubu 39 yaşlı qolkiperlə imzalanan müqavilənin müddətini açıqlamayıb.

Qeyd edək ki, Oçoa son iki mövsümdə İtaliya A Seriyasında "Salernitana"nın heyətində çıxış edib. Salerno komandası ötən mövsüm elit divizionda qala bilməyib, bundan sonra meksikalı azad agent kimi klubu tərk edib.

Xatırladaq ki, Gilyermo Oçoa ötən mövsüm Salernitananın heyətində İtaliya çempionatında 21 oyun keçirsə də, yalnız birində qapısını təmiz saxlaya bilib.