"Liverpul"un sabiq müdafiəçisi "Roma"ya keçə bilər

Ötən mövsümün sonunda "Liverpul"dan ayrılan və azad agent statusunda olan müdafiəçi Coel Matip karyerasını İtaliyada davam etdirə bilər.

90deqiqe.Az-ın “Calciomercato.com”a istinadən məlumatına görə, “Roma” 33 yaşlı futbolçu ilə maraqlanır. Paytaxt klubu kamerunlu oyunçu ilə danışıqlar aparır, lakin komandanın müdafiəsini gücləndirmək üçün əsas variant Mats Hummelsdir.

Romalılar futbolçuya yüksək maaş təklif etməmək üçün iki variantdan birini reallaşdırmaq niyyətindədir.

Ötən mövsüm müdafiəçi "Liverpul"un heyətində bütün turnirlərdə heç bir qol vurmadan on dörd oyun keçirib.