Mourinyo “Çelsi”nin futbolçusunu “Fənərbağça”da görmək istəyir

"Çelsi"nin sol cinah müdafiəçisi Ben Çilvell "Fənərbağça"ya keçə bilər.

90deqiqe.Az-ın “TEAMtalk”a istinadən məlumatına görə, “mavilər”in çalışdırıcı Enzo Mareska ingilis futbolçunu gələcək planlarında görmür və ona görə də London klubunun rəhbərliyi 27 yaşlı futbolçunu hələ transfer pəncərəsinin bağlanmadığı Türkiyəyə buraxmağa hazırdır.

 "Fənərbağça"nın baş məşqçisi Joze Mourinyo şəxsən Çilvellin transferində maraqlıdır. Transferin təfərrüatları hələ açıqlanmayıb.

Ben Çilvellin "zadəganlar" ilə müqaviləsi 2027-ci ilin ortalarına qədərdir və Transfermarkt portalının məlumatına görə, onun transfer dəyəri 28 milyon avrodur. Ötən mövsüm futbolçu paytaxt təmsilçisinin heyətində 21 oyunda 1 məhsuldar ötürmə edib.