“Roma” Hummelsdən əl çəkmir

"Roma" mərkəz müdafiəçisi Mats Hummels üçün mübarizədən əl çəkmir.

90deqiqe.Az xəbər verir ki, bu barədə insayder Nikolo Şira "X" sosial şəbəkəsində (keçmiş Twitter) yazıb. 

O romalıların Dortmund "Borussiya"sının 35 yaşlı sabiq futbolçusu ilə anlaşa bilmədiyi lakin danışıqlar davam etdiyini qeyd edib.

“Canavarlar”ın çalışdırıcısı Daniele de Rossi də alman futbolçunu komandasında görmək istəyir və onu təklifi qəbul etməyə inandırmaq üçün telefonla əlaqə saxlayıb.

“Roma” mərkəz müdafiəçisinə təkmilləşdirilmiş müqavilə şərtlərini təklif etməyə hazırdır.

Mats Hummelslə "Brayton", "Bolonya", "Real Sosyedad" və bir çox başqa klublar da maraqlanır.

 Ötən mövsümün sonunda "Borussiya Dortmund"u tərk edən təcrübəli futbolçu Bundesliqa klubunun heyətində 40 oyun keçirib və bu oyunda 4 qol vurub və bir məhsuldar ötürmə edib. İndi Transfermarkt portalı əvvəllər də "Bavariya"da çıxış edən müdafiəçini 5 milyon avroya qiymətləndirir..