Bundesliqadan Serbiya klubuna

"Ştutqart"ın yarımmüdafiəçisi Silas Mvumpa icarə əsasında "Srvena Zvezda"ya keçib.

90deqiqe.Az xəbər verir ki,  25 yaşlı futbolçu mövsümün sonuna qədər icarə əsasında Serbiya klubunun uğurları üçün çalışacaq.

Mvumpa 2019-cu ildən "Ştutqart"da çıxış edir. Konqolu ötən mövsüm Almaniya yığmasının heyətində 27 oyun keçirib, 5 qol vurub və 5 məhsuldar ötürmə edib. Yeni mövsümdə yarımmüdafiəçi bir dəfə də olsun meydana çıxmayıb.

Xatırladaq ki, “Srvena Zvezda” bu mövsüm Çempionlar Liqasının əsas mərhələsində çıxış edəcək. Serbiya Superliqasında 6 start matçında 5 qələbə qazanan Belqrad komandası 16 xalla ölkə çempionatının turnir cədvəlinə başçılıq edir.