Niderland klubu rus futbolçu ilə güclənir

Moskva "Lokomotiv"inin sabiq yarımmüdafiəçisi Anton Mirançuk "Feyenoord"a keçə bilər.

90deqiqe.Az-ın “Sport Express”ə istinadən məlumatına görə, Niderland təmsilçisi 28 yaşlı rusiyalı yarımmüdafiəçi ilə maraqlanır. Artıq tərəflər arasında danışıqlarda başlanılıb.

Qeyd edək ki, daha əvvəl Mirançukla "Ayaks"ın maraqlandığı bildirilirdi.

Xatırladaq ki, ötən mövsüm başa çatdıqdan sonra Mirançuk “Lokomotiv”lə əmək müqaviləsini yeniləməkdən imtina etmiş və azad agent kimi dəmiryol düşərgəsini tərk etmişdi. Nüfuzlu “Transfermarkt” internet portalının məlumatına görə, yarımmüdafiəçinin dəyəri altı milyon avrodur.