"Barselona" yeni hücumçu ilə gücləndi

Hücumçu İvan Sedrik "Las Palmas"ı "Barselona" ilə əvəzləyib.

 90deqiqe.Az xəbər verir ki, bu barədə klubun mətbuat xidməti məlumat yayıb. 22 yaşlı futbolçu mövsümün sonuna qədər icarə əsasında "Blauqrana"nın düşərgəsinə qoşulub.

O, Barçanın ikinci komandasında çıxış edəcək. Ötən mövsüm Sedrik “Valyadolid”də çıxış edib. Hücumçu İspaniya ikinci divizionunda 12 matçda iştirak edib, iki qol vurub.

Mərkəz hücumçunun "blauqrana" ilə icarə müqaviləsi gələn ilin iyun ayının sonuna kimidir. Transfermarkt portalı Sedrikin bazar dəyərini 400 min avro qiymətləndirir.