Musiala "Bavariya"nı İngiltərə nəhənginə dəyişir

“Mançester Siti” Almaniya millisinin və “Bavariya”nın futbolçusu Camal Musiala ilə komandanın hücum xəttini gücləndirə bilər.

90deqiqe.Az xəbər verir ki, bu barədə "The Real Tolmies Hairdoo" məlumat yayıb.

Mənbənin məlumatına görə, "şəhərlilər" alman cinah oyunçusunu gələn yay transfer etmək niyyətindədir.

Camal karyerasını davam etdirmək üçün bu variantın əleyhinə deyil. Bununla əlaqədar o, Münhen komandası ilə yeni əmək müqaviləsi ilə bağlı danışıqları dayandırıb.

Musialanın müqaviləsi 2026-cı ilin ortalarına qədərdir və onun transfer qiyməti 130 milyon avrodur. 2023/2024 mövsümündə hücumameyilli yarımmüdafiəçi 36 matçda iştirak edib. Camalın aktivində 12 qol və 7 məhsuldar ötürmə var.