"MY" "Sevilya"nın müdafiəçisini istəyir

"Mançester Yunayted"in rəhbərləri "Sevilya"nın gənc müdafiəçisi Xuanlo Sançesi transfer etməkdə maraqlıdır.

90deqiqe.Az-ın "AS"a istinadən məlumatına görə, "qırmızı şeytanlar" İspaniya millisi ilə olimpiya çempionu olan 21 yaşlı ispan futbolçunu transfer etməyi nəzərdən keçirir.

Bundan əvvəl mətbuatda "Real Madrid"in də Sançesin xidmətində maraqlı olduğu haqda şayiələr yayılmışdı.

Qeyd edək ki, gənc müdafiəçinin transfer dəyəri mütəxəssislər tərəfindən 15 milyon avro dəyərində qiymətləndirilib. Xatırladaq ki, ötən mövsüm Xuanlu Sançes "Sevilya"nın heyətində İspaniya çempionatında 26 oyun keçirib və bu oyunda 2 məhsuldar ötürmə edib və 2 sarı vərəqə alıb.