İstanbul nəhəngi onu qışda transfer edəcək

"Əl Nəsr"in hücumçusu Sadio Mane Türkiyə klublarından birinə keçə bilər.

90deqiqe.Az “Fotomac”a istinadən xəbər verir ki, 32 yaşlı seneqallı futbolçunu "Beşiktaş" heyətinə qatmaq istəyir.

İstanbul təmsilçisi seneqallı forvardın bu yay transferi uğursuz olduğundan, qış transfer pəncərəsində almağa çalışacaq. Artıq tərəflər arasında ilkin razılaşma əldə edilib.

Qeyd edək ki, seneqallı 2023-cü ilin yayından “Əl-Nəsr”də çıxış edir. Hazırda forvardın transfer dəyərini mütəxəssislər 15 milyon avro qiymətləndirirlər. Mane "Liverpul"da oynadığı zaman geniş şöhrət qazanmışdı.

Xatırladaq ki, bu mövsüm Sadio Mane Səudiyyə Ərəbistanı çempionatında “Əl-Nəsr”in heyətində 3 oyun keçirib və 2 məhsuldar ötürmə edib.