Mançester Yunayted Real'ın təklifini rədd etdi

Real Mançester Yunayted'in yarımmüdafiəçisi Pol Poqbanın transferində israrını davam etdirir.

Corner.az xarici mətbuata istinadən məlumat verir ki, "Madrid klubu"nun növbəti cəhdi uğursuz alınıb.

Belə ki, Real 26 yaşlı futbolçunun keçidinə qarşılıq "qırmızı şeytanlar"a bu dəfə 27,4 milyon funt-sterlinq və yarımmüdafiəçi Xames Rodrigesi təklif edib. Lakin ingilislər bu təklifi də rədd ediblər. Premyer Liqa klubu fransalı futbolçusunu 150 milyon funt-sterlinqdən aşağı qiymətə satmaq fikrində olmadığı bildirilib.

Qeyd edək ki, ötən mövsüm Premyer Liqada 35 matçda iştirak edən Poqba 13 qol, 9 məhsuldar ötürmə ilə yadda qalıb.