- Transfer
- 12:57 22.10.2024
"Çelsi" qış transfer pəncərəsi zamanı "Barselona"nın sağ cinah müdafiəçisi Jül Kundeni transfer etməyi düşünür.
90deqiqe.Az-ın “Sport.es”ə istinadən məlumatına görə, London klubu "mavi qranatlar"a 25 yaşlı futbolçu üçün 60 milyon avro təklif etməyə hazırdır. Futbolçunun özünün də karyerasını Barselonada davam etdirmək istədiyi vurğulanır.
Bu mövsüm Kunde bütün yarışlarda altı matçda iştirak edib və bu matçlarda bir qol və bir məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 45 milyon avrodur.
