"Barselona" onların azad agentə çevrilməsini gözləyir

"Barselona" heyətini gücləndirməyi planlaşdırır.

90deqiqe.Az-ın "TodoFichajes"ə istinadən məlumatına görə, Almaniya millisinin iki top oyunçusu Kataloniya klubunun radarındadır - müdafiəçi Conatan Ta və müdafiəçi/yarımmüdafiəçi Coşua Kimmix. "Blauqrana" gələn yay bu oyunçuları almağa cəhd edə bilər. 28 yaşlı Ta və 29 yaşlı Kimmixin müvafiq olaraq "Bayer" və "Bavariya" ilə cari müqavilələri 2025-ci ilin ortalarına qədərdir. Beləliklə, "Barselona" oyunçuları azad agent kimi pulsuz ala bilər.

Beş turdan sonra İspaniya çempionatına maksimum xal – 15-lə “Barselona” başçılıq edir.