Şesni karyerasını "Barselona"da davam etdirməyə hazırdır

Bu yay karyerasını başa vuran məşhur polşalı qapıçı Voyçex Şesni, "Barselona" üçün futbola qayıtmağa hazırdır.

90deqiqe.Az-ın “Diario Sport”a istinadən məlumatına görə, Kataloniya klubunun nümayəndələri “mavi qranatlar” naminə karyerasını davam etdirməyə hazır olan 34 yaşlı polşalı futbolçu ilə artıq əlaqə saxlayıb.

Şesni "Barselona" ilə müqavilə bağlamağa hazırdır. Təcrübəli qolkiper optimal formada olan kimi komandanın bir nömrəsinə çevriləcəyinə əmindir.

Qeyd edək ki, Şesni son 7 ildə "Yuventus"da A Seriyasında çıxış edib. Xatırladaq ki, ötən mövsüm Voyçex Şesni “qoca sinyora”nın heyətində İtaliya çempionatında 35 oyun keçirib, bunun 16-da qapısını təmiz saxlaya bilib.