Şesni "Barselona" ilə müqaviləyə nə vaxt qol çəkəcək?

"Yuventus"un keçmiş qapıçısı Voyçex Şesni bazar ertəsi "Barselona" ilə müqavilə imzalayacaq.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O bazar ertəsi polşalı qolkiperin Kataloniya təmsilçisi ilə 2025-ci ilin iyununa qədər müqavilə imzalayacağını qeyd edib.

Təcrübəli oyunçu zədəli Mark-Andre ter Ştegeni əvəz edəcək

Şesni  2017-ci ildə "Arsenal"dan "Yuventus"a keçib və Turin klubunda 252 oyun keçirib, üç A Seriya çempionu və üç İtaliya Kubokunu qazanıb. Yayda o, klubdan ayrıldıqdan sonra azad agent oldu və təqaüdə çıxdığını elan etdi.