"Real" "Bayer"in müdafiəçisini transfer etmək istəyir

"Real Madrid"  "Bayer"in müdafiəçisi Conatan Tanı transfer etmək istəyir.

90deqiqe.Az xəbər verir ki, bu barədə insayder Kristian Falk "X" sosial şəbəkəsində (keçmiş Twitter) yazıb. 

O “kral klubu”nun nümayəndələrinin 2025-ci ilin yayında azad agent olacaq 28 yaşlı futbolçunun agenti ilə artıq danışıqlar apardığını qeyd edib.

Ta ilə "Real Madrid"dən başqa alman məşqçi Hans-Diter Flikin çalışdığı "Barselona" da maraqlanır.

Bundan əvvəl mətbuatda müdafiəçinin transferinə əsas namizədin “Bavariya” olması ilə bağlı xəbərlər yayılmışdı.

Xatırladaq ki, Conatan Ta bu mövsüm Almaniya çempionatında "Bayer"in heyətində 6 oyun keçirib və bu oyunda 1 qol vurub, 1 sarı vərəqə alıb.