"Real" yeni futbolçu tapıb

"İnter"in müdafiəçisi Alessandro Bastoni karyerasını "Real Madrid"də davam etdirə bilər.

 90deqiqe.Az "Todofichajes"ə istinadən xəbər verir ki, 25 yaşlı futbolçunun xidmətində  "Kral" klubu maraqlıdır. Tərəflər arasında danışıqlara da artıq başlanılıb.

Futbolçunun bazar dəyəri 70 milyon avro qiymətləndirilir. İtaliyalı oyunçunun "neradzurri" ilə müqaviləsi 2028-ci ilin ortalarına qədərdir

O, 2017-ci ildən Milan nəhənglərində çıxış edir. İtaliya çempionatının bu mövsümündə Alessandro altı oyun keçirib və məhsuldar ötürmə edib. La Liqanın 9 turundan sonra aktivində 21 xal olan "Real Madrid" turnir cədvəlinin ikinci pilləsində qərarlaşıb.