Pike'dən Neymar açıqlaması - Qarışıq məsələdir

“Barselona”nın müdafiəçisi Jerar Pike PSJ-dən ayrılmaq istəyən Neymarla bağlı açıqlama verib.

Corner.az İspaniya mətbuatına istinadən xəbər verir ki, 32 yaşlı futbolçu, yenidən Neymarla birlikdə oynamaq istədiyini deyib:

“Neymar klubumuzu tanıyan mükəmməl futbolçudur. Onun yenidən komandamıza qayıdıb-qayıtmayacağını deyə bilmirəm. Çox qarışıq məsələdir. Onunla danışırıq, amma bunlar haqqında açıqlama vermək uyğun olmaz. Neymar mükəmməl futbolçudur və yenidən onunla oynamaq istəyərik”.

İspaniyalı futbolçu Kataloniya klubunun yeni transferi Antuan Qrizmann haqqında da danışıb:

“Qrizmann çox yaxşı futbolçudur və bizimlə birlikdə olduğu üçün xoşbəxtik. Komandaya çox tez uyğunlaşdı və bir çox görüşdə qalib gəlməyimizə kömək edəcəyini, düşünürəm”.