Səbail daha bir yeni transferini göndərdi

Səbail klubu bu yay transfer etdiyi Bilal Həmdi ilə yollarını ayırıb.

Corner.az xəbər verir ki, Həmdinin müqaviləsinə qarşılıqlı razılaşma əsasında xitam verilib. 28 yaşlı yarımmüdafiəçinin karyerasını Kiprdə davam etdirəcəyi gözlənilir.

Mətbuatda yayılan məlumata görə, “Səbail”də maliyyə problemləri yaranıb. Klub futbolçulara min manatdan artıq məvacib verilməyəcəyi ilə bağlı xəbərdarlıq edib. Bu səbəbdən də, əcnəbi futbolçuların çoxu komandanı tərk etmək qərarına gəlib.

Qeyd edək ki, “Səbail” dünən daha bir yeni transferi Dilan Duventru ilə də yollarını ayırmışdı.(komanda)