PSJ-dən 95 milyon avroluq təklif

PSJ qış transfer pəncərəsinda müdafiə xəttini gücləndirmək istəyir.

90deqiqe.Az-ın “Fichajes”ə istinadən məlumatına görə, Fransa çempionu "Arsenal"ın mərkəz müdafiəçisi Uilyam Salibanın xidmətində maraqlıdır. Parislilər fransalı futbolçu üçün "topçular"a 95 milyon avro təklif edib.

Uilyam Salibin "Arsenal"la hazırkı müqaviləsi 2027-ci ilin ortalarına qədərdir. Nüfuzlu “Transfermarkt” portalının mütəxəssisləri 23 yaşlı fransalıya 80 milyon avro qiymət qoyub. Ümumilikdə Saliba “Arsenal”ın heyətində 96 rəsmi oyun keçirib, bu oyunda beş qol vurub və iki məhsuldar ötürmə edib. Daha əvvəl PSJ-nin "Barselona"nın müdafiəçisi Jül Kounde üçün 100 milyon avro ödəməyə hazır olduğu bildirilirdi.