"Mançester Siti" iki alman ulduzu almaq istəyir

İki alman futbolçu qış transfer pəncərəsində "Mançester Siti"nin heyətinə qoşula bilər.

90deqiqe.Az-ın “ShootPooll”a istinadən məlumatına görə, "Bavariya" və "Bayer Leverkuzen"in futbolçuları İngiltərə çempionunun diqqət mərkəzinə düşüb. Söhbət Camal Musiala və Florian Virtzdən gedir.

“Mançester Siti” zədəli futbolçuların çoxluğuna görə heyəti gücləndirmək istəyir, həmçinin ulduzlarına uzunmüddətli əvəzedicilər axtarır.

Virtsin 2027-ci ilin ortalarına qədər "Bayer" ilə məşğulluq öhdəliyi var. Onun transfer dəyəri 130 milyon avro qiymətləndirilir. Musialanın "Bavariya" ilə müqaviləsi 2026-cı ildə başa çatır. Onun qiyməti 130 milyon avrodur.