"Mançester Yunayted" "Yuventus"un müdafiəçisini transfer etmək istəyir

"Mançester Yunayted" bu qış transfer pəncərəsində "Yuventus"un təcrübəli müdafiəçisi Danilonu heyətinə qatmaq istəyir.

90deqiqe.Az-ın “JuveLive”ə istinadən məlumatına görə, 33 yaşlı futbolçu xidmətində "qırmızı şeytanlar"ın yeni baş məşqçisi Ruben Amorim maraqlıdır.

Braziliyalının özü də klubu dəyişməyin və “qoca sinyora”nın düşərgəsini tərk etməyin əleyhinə deyil.

Qeyd edək ki, Danilonun transfer dəyəri ekspertlər tərəfindən 7 milyon avro dəyərində qiymətləndirilib. Xatırladaq ki, bu mövsüm Danilo Turin klubunun heyətində İtaliya çempionatında 8 oyun keçirib və bir sarı vərəqə alıb. Bundan əvvəl braziliyalı artıq “Mançester Siti”nin heyətində Premyer Liqada çıxış etmişdi. Danilo 2019-cu ilin yayından "Yuventus"da çıxış edir.