"Mançester Yunayted" "Real"ın forvardı transfer etmək istəyir

"Mançester Yunayted" bu qış transfer pəncərəsində hücumçu Rodriqonun transferi ilə bağlı "Real Madrid"lə razılığa gəlmək istəyir.

90deqiqe.Az-ın “Diario Sport”a istinadən məlumatına görə, 23 yaşlı futbolçu qarşıdan gələn qış transfer pəncərəsində “qırmızı şeytanlar”ın hədəfindədir.

Rodriqonun imzalanması "Yunayted"in yeni təyin olunmuş baş məşqçisi Ruben Amorim tərəfindən təsdiqlənib.

Qeyd edək ki, forvard özü də klubun qeydiyyatını dəyişdirərək "Real Madrid"i tərk etməyin əleyhinə deyil.

Mütəxəssislər futbolçunun transfer dəyərini 110 milyon avro dəyərində qiymətləndirirlər. Xatırladaq ki, bu mövsüm Rodriqo “kral klubu”nun heyətində İspaniya çempionatında 11 oyun keçirib və o, üç qol vurub və bir məhsuldar ötürmə edib.