“Roma”da baş məşqçi postuna yeni namizəd

İvan Yuriç zəif nəticələrə görə istefaya göndəriləndən sonra “Roma” yeni baş məşqçi axtarmağa davam edir.

90deqiqe.Az-ın Rumıniya mətbuatına istinadən məlumatına görə, paytaxt klubunun radarına bir sıra mütəxəssislər, xüsusilə Massimiliano Alleqri və Roberto Mançini yer alır.

"Canavar"lıların geniş siyahısına Rumıniya millisinin sabiq baş məşqçisi Eduard Jordanesku da daxil edilib. Artıq mütəxəssislə ilkin danışıqlara da başlanılıb. 

Qeyd olunur ki, indiyədək A seriyasında yalnız bir rumıniyalı çalışdırıcı çalışıb - Mirça Luçesku. “Roma” hazırda İtaliya çempionatının turnir cədvəlində cəmi 12-ci yerdədir.