"İnter Mayami"nin sahibi Messinin klubda qalacağına inanır

"İnter Mayami"nin ortaq sahibi Xorxe Mas Florida klubunun ulduzu Lionel Messinin 2026-cı ilə qədər komandada qalacağına inanır.

90deqiqe.Az xəbər verir ki, jurnalist Ben Yakobs funksionerin dediklərini belə çatdırıb.

"Mən 2026-cı ildə yeni stadionumuz açılanda Lionel Messinin komandada on nömrəmiz kimi olacağını gözləyirəm".

Xatırladaq ki, MLS-in cari mövsümündə “İnter Mayami” 74 xal toplayaraq Şərq Konfransı çərçivəsində müntəzəm mövsümün birincisi olub. Bu, bütün MLS klubları arasında toplanan xallar üzrə ən yaxşı nəticədir. Lakin pley-offun ilk mərhələsində “İnter Mayami” “Atlanta Yunayted” tərəfindən mübarizədən kənarlaşdırılıb.