Poqba karyerasını Cənubi Amerikada davam etdirəcək

"Yuventus"un sabiq yarımmüdafiəçisi Pol Poqba Braziliyanın "Korintians" klubuna keçməyə razılaşıb.

90deqiqe.Az "BolaVip"ə istinadən xəbər verir ki, 31 yaşlı futbolçu artıq Braziliya klubuna keçməyə razılıq verib, lakin hələ ki, müqavilə bağlanmayıb.

İddia olunur ki, klub fransalı futbolçunun müqaviləsini tam ödəməyə hazır olan sponsor axtarır.

Xatırladaq ki, Poqba əvvəllər antidopinq qaydasını pozduğuna görə dörd il müddətinə diskvalifikasiya edilmişdi, lakin sonradan cəza müddəti dəyişdirilib. Beləliklə, fransalı 2025-ci ilin martında meydana qayıda biləcək. Eyni zamanda o, yanvarda komanda ilə məşqlərə başlayacaq.