"Mançester Siti" və "Atletiko Madrid" də onun üçün mübarizəyə qoşuldu

"Lens" və Özbəkistan millisinin mərkəz müdafiəçisi Abdukodir Xusanov "Mançester Siti" və "Atletiko Madrid"in diqqət mərkəzinə düşüb.

90deqiqe.Az "L'Équip"ə istinadən xəbər verir ki, 20 yaşlı futbolçu ilə maraqlanan adıçəkilən klublar 30 milyon avro təklif etsələr, Fransa klubu qış transfer pəncərəsində onu sata bilər.

Daha əvvəl PSJ gənc futbolçunu transfer etmək istədiyi ilə bağlı iddialar yayılmışdı.

Bu mövsüm Xusanov bütün turnirlərdə 15 qarşılaşmada iştirak edib, bu görüşlərdə effektli olmayıb. Futbolçunun klubla əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 12 milyon avrodur.