"Olimpiakos" Villianla yollarını ayırıb

Yunanıstanın "Olimpiakos" klubu əvvəllər "Çelsi"də çıxış etmiş cinah oyunçusu Villianla yollarını ayırıb.

90deqiqe.Az xəbər verir ki, bu barədə Yunanıstan klubunun mətbuat xidməti məlumat yayıb.

“Olimpiakos" Villiana gələcək karyerasında uğurlar arzulayır. Onun Pireydə həmişə ailəsi olacaq”

36 yaşlı futbolçu 2024-cü ilin sentyabrında "Olimpiakos"a keçib. Bu müddət ərzində braziliyalı bütün turnirlərdə 11 klub matçında iştirak edib və bir məhsuldar ötürmə edib.

Villian karyerasının böyük hissəsini “Çelsi”də oynayıb. Braziliyalı 7 il (2013-cü ildən 2020-ci ilə kimi) "Mavilər"də çıxış edib. London klubu ilə o, iki Premyer Liqa titulunu, bir Liqa Kubokunu, bir İngiltərə Kubokunu və bir Avropa Liqasını qazandı. Cinah oyunçusu həmçinin "Korintians", "Şaxtyor", "Anji", Londonun "Arsenal"ı və "Fulhem"də də çıxış edib.