"Milan" onun üçün danışıqlara başlayıb

"Liverpul"un hücumçusu Darvin Nunes karyerasını İtaliyada davam etdirə bilər.

90deqiqe.Az "Mail Sport"a istinadən xəbər verir ki,  "Milan" 25 yaşlı forvardın mümkün transferi ilə bağlı "Liverpul"la danışıqlara başlayıb.

Klublar arasında uruqvaylının birdəfəlik almaq şərti ilə icarəyə götürülmə variantı üzərində razılaşmağa yaxın olduğu bildirilir.

Bu mövsüm forvard bütün yarışlarda 23 matçda iştirak edib, 4 qol vurub və 3 məhsuldar ötürmə edib. Nunesin "Liverpul"la müqaviləsi 2028-ci ilə qədərdir. Transfermarkt portalının məlumatına görə, futbolçunun dəyəri 65 milyon avrodur.