PSJ Ronaldo ilə danışıqlar aparmır

Səudiyyə Ərəbistanının “Əl-Nəsr” klubunun hücumçusu Kriştiano Ronaldo Fransa PSJ-sinə keçməyəcək.

90deqiqe.Az xəbər verir ki, bu barədə jurnalist Fabrizio Romano"X" sosial şəbəkəsində (keçmiş Twitter) yazıb. 

O parislilərin mətbuatda yayılan xəbərlərə baxmayaraq, 39 yaşlı forvard ilə heç bir danışıqlar aparmadığını qeyd edib.

Xatırladaq ki, portuqaliyalı ulduz 2023-cü ilin əvvəlindən “Əl-Nəsr”də çıxış edir. Bu mövsüm o, bütün turnirlərdə 19 matçda iştirak edib, 16 qol vurub və üç məhsuldar ötürmə edib. Ronaldonun Səudiyyə komandası ilə hazırkı əmək müqaviləsi gələn yaya qədərdir. Transfermarkt portalının məlumatına görə, futbolçunun dəyəri 12 milyon avrodur.