Vlahoviç "Yuventus"u "Arsenal"a dəyişir?

"Yuventus"un mərkəz hücumçusu Duşan Vlahoviç "Arsenal" klubunun maraq dairəsindədir.

90deqiqe.Az xəbər verir ki, bu barədə jurnalist Mirko di Natale "X" sosial şəbəkəsində (keçmiş Twitter) yazıb. 

O “Arsenal”ın son bir neçə həftə ərzində Vlahoviç haqqında məlumat almaq üçün çoxsaylı sorğular etdiyini və "topçular"ın bu qış forvard üçün rəsmi təklif edib-etməyəcəyi hazırlaşdığını və əgər bu keçid baş tutmazsa ingilis nəhənginin siyahılarında başqa hücumçular üçün danışıqlara başlayacağını qeyd edib.

Daha əvvəl bildirilmişdi ki, "Yuventus" yanvarda 24 yaşlı futbolçu ilə yollarını ayıra bilər.

Bu mövsüm serbiyalı bütün turnirlər daxil olmaqla 23 matçda iştirak edib, 12 qol vurub və iki məhsuldar ötürmə edib.