PSJ yeni qapıçı almaq istəyir

"Lill"in qapıçısı Lukas Şevalier karyerasını PSJ-də davam etdirə bilər.

90deqiqe.Az "Sport Zone"a istinadən xəbər verir ki, parislilərin baş məşqçisi Luis Enrike start heyətində çıxış edən qapıçı Canluici Donnarummanın çıxışından narazıdır və buna görə də klub italiyalıya əvəzləyici tapmaq istəyir. Fransa klubunun bu transfer üçün variantlarından biri Şevalierdir.

Bu mövsüm Şevalier bütün yarışlarda 27 matçda iştirak edib, 27 qol buraxıb və doqquz qapısını təmiz saxlayıb. Nüfuzlu Transfermarkt portalının ekspertləri 23 yaşlı futbolçunun dəyərini 30 milyon avro qiymətləndirib.