"Mançester Siti"nin futbolçusu "Real"a keçə bilər

“Mançester Siti”nin müdafiəçisi Kayl Uoker “Real Madrid”in diqqət mərkəzinə düşüb.

90deqiqe.Az "Diario Sport"a istinadən xəbər verir ki, "Real Madrid" hazırda Uokeri cari mövsümün sonuna qədər icarəyə götürmək imkanını nəzərdən keçirir.

Daha əvvəl 34 yaşlı futbolçu "şəhərlilər"in rəhbərliyindən onu qışda buraxmağı xahiş edib.

Qeyd edək ki, bu mövsüm “qaymaqlılar” əsas oyunçuların zədələri səbəbindən müdafiədə ciddi problemlər yaşayır. Uoker indiki İngiltərə Premyer Liqasında 15 oyun keçirib və qol vurmayıb. Transfermarkt-ın məlumatına görə, müdafiəçinin dəyəri on milyon avrodur.