Kolo-Muani bu gün "Yuventus"la müqavilə imzalayacaq

PSJ-nin fransalı hücumçusu Randal Kolo-Muani "Yuventus"a keçməyə yaxındır.

90deqiqe.Az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb. 

O hücumçunun müqaviləni yekunlaşdırmaq üçün Turinə gəlidiyini və keçidlə bağlı rəsmi açıqlama bu günün sonuna qədər veriləcəyini qeyd edib.

Hücumçunun transfer dəyəri 30 milyon avro qiymətləndirilir. Kolo-Muani 2023-cü ilin payızından Paris klubunda çıxış edir. Tərəflər arasında əmək müqaviləsi 2028-ci ilin ortalarında başa çatır. Bu mövsüm hücumçu PSJ-də 14 matçda iştirak edib, 2 qol vurub və bir məhsuldar ötürmə edib.