"Portu" 42 yaşlı baş məşqçini istefaya göndərib

42 yaşlı portuqaliyalı mütəxəssis Vitor Bruno “Portu”nun baş məşqçisi vəzifəsindən uzaqlaşdırılıb.

90deqiqe.Az xəbər verir ki, bu barədə klubun mətbuat xidməti məlumat yayıb. "Portu"nun müvəqqəti baş məşqçi postunu Xose Tavaresin icra edəcəyi iddia edilir.

Xatırladaq ki, Bruno komandaya ötən yaydan rəhbərlik edir və bundan əvvəl o, 7 il “Portu”nun məşqçilər korpusunda yer alıb. Portuqaliya çempionatının 18-ci turunda "Portu" "Gil Visente"yə 1:3 hesablı məğlubiyyətlə üzləşib. Hazırda klub 40 xalla turnir cədvəlinin 3-cü pilləsində qərarlaşıb. Liderdən fərq cəmi dörd xaldır.