Qvardiola rəhbərlikdən onun transferini istədi

"Mançester Siti"nin baş məşqçisi Pep Qvardiola heyətində yenidənqurma ehtiyacı olduğunu bilir.

90deqiqe.Az "El Nacional"a istinadən xəbər verir ki, "şəhərlilər"in baş məşqçisi rəhbərlikdən"Barselona"dan vinger Rafinyanı transfer etməsini tələb edib. Artıq tərəflər arasında danışıqlarda başlanılıb.

"Barselona"nın isə braziliyalının transferindən 100 milyon avro qazanmaq istədiyi bildirilir.

2024/2025 mövsümündə 28 yaşlı Rafinya keyfiyyətli futbol nümayiş etdirir. Braziliyalı "Barselona"nın heyətində 29 oyunda 20 qol vurub və komanda yoldaşları üçün 11 məhsuldar ötürmə edib. Rafinhanın hazırkı müqaviləsi daha iki il yarımdır.