"Mançester Siti" "Yuventus"a 65 milyon avro təklif edəcək

 "Yuventus"un sol cinah müdafiəçisi Andrea Kambiaso karyerasını "Mançester Siti"də davam etdirə bilər.

90deqiqe.Az “La Gazzetta dello Sport”a istinadən xəbər verir ki, "şəhərlilər" 24 yaşlı futbolçu üçün 65 milyon avroluq təklif hazırlayıb

“Mançester Siti”nin Kambiasonu almaq üçün bu gün, ya da sabah rəsmi təklif verməyi planlaşdırdığı vurğulanır.  Turin klubu yarımmüdafiəçinin transferi üçün "Siti"dən 80 milyon avro istəmək niyyətindədir.

Kambiaso bu mövsüm bütün turnirlərdə 27 oyun keçirib, iki qol vurub və iki məhsuldar ötürmə edib. Futbolçunun klubla hazırkı əmək müqaviləsi 2029-cu ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 40 milyon avrodur.