"Mançester Yunayted"i İstanbul nəhənginə dəyişə bilər

"Mançester Yunayted"in hücumçusu Markus Reşford karyerasını "Beşiktaş"da davam etdirə bilər.

90deqiqe.Az xəbər verir ki, bu barədə türkiyəli jurnalist Gökmen Özkan "X" sosial şəbəkəsində (keçmiş Twitter) yazıb. 

O ingilis forvardın icarə əsasında heyətinə qatılması İstanbul klubunun transfer hədəflərindən biri olduğunu və Ole Qunnar Sulşerin bu transferdə şəxsən maraqlı olduğunu qeyd edib.

Premyer Liqanın cari mövsümündə ingilis "qırmızı şeytanlar"ın heyətində 15 oyun keçirib, 4 qol vurub və bir məhsuldar ötürmə edib. Forvard peşəkar futboldakı bütün karyerası boyunca "mankunianlar"ı təmsil edib.

Xatırladaq ki, Solskjaer yanvarın 17-də rəsmən “Beşiktaş”ın baş məşqçisi olub. O, 2018-2021-ci illərdə “Mançester Yunayted”i çalışdırıb.