"Mançester Yunayted"dən La Liqa klubuna

"Mançester Yunayted"in yarımmüdafiəçisi Antoninin "Betis"ə keçidi tamamlanıb.

90deqiqe.Az xəbər verir ki, İngiltərə klubu futbolçunun tibbi müayinədən keçmək üçün İspaniyaya uçmasına icazə verib. La Liqa təmsilçisi braziliyalını mövsümün sonuna qədər icarəyə götürüb və 24 yaşlı futbolçunun maaşının 84%-ni, həmçinin bonusları ödəyəcək.

 Antoni bu mövsüm "Mançester Yunayted"in heyətində 14 oyuna çıxıb və 2022-ci ilin sentyabrından bu yana klubda 96 oyun keçirib, lakin açıq-aşkar "qırmızı şeytanlar"ın azarkeşlərinin yüksək gözləntilərini doğrulda bilməyib. Antoninin transfer dəyəri 20 milyon avro olaraq qiymətləndirilir.