Neymarla komanda yoldaşı ola bilər

"Yuventus"un yarımmüdafiəçisi Artur Melo Braziliya çempionatına qayıda bilər.

90deqiqe.Az-ın məlumatına görə, onun növbəti klubu "Santos" ola bilər. Hazırda "Santos" rəhbərliyi futbolçu ilə bağlı Turin klubu ilə artıq danışıqlar aparır.

Braziliya klubu Arturu “Yuventus”dən birdəfəlik almaq şərti ilə icarəyə götürmək niyyətndədir.

28 yaşlı Arturun "Yuventus"la müqaviləsi 2026-cı ilin yayına qədərdir. "Qremio"nun məzunu əvvəllər "Barselona", "Liverpul" və "Fiorentina"da çıxış edib, lakin heç bir yerdə ciddi uğur qazana bilməyib. Daha əvvəl Santos Neymarın geri döndüyünü açıqlamışdı.