Neymar "Santos"a qayıtdı

Braziliyanın "Santos" klubu Neymarın kluba qayıdışı açıqlayıb.

90deqiqe.Az klubun mətbuat xidmətinə istinadən xəbər verir ki, 32 yaşlı forvard Braziliya klubu ilə 6 aylıq müqavilə imzalayıb.

Ulduz hücumçu on bir il yarımdan sonra doğma klubuna qayıdıb.

Neymar 2013-cü ilin yayında "Barselona"nın satın aldığı "Santos"u tərk etdi. Bir neçə gün əvvəl 32 yaşlı Neymar Səudiyyə Ərəbistanının "Əl-Hilal" klubu ilə müqaviləsini pozub. İndi forvard yenidən Braziliya çempionatında çıxış edəcək. Neymar yeddi ildən artıqdır ki, futbol tarixinin ən bahalı oyunçusu statusunu saxlayır. 2017-ci ilin yayında PSJ braziliyalı üçün inanılmaz 222 milyon avro ödəmişdi.