"MY" 17 yaşlı futbolçu üçün 60 milyon avro ödəyəcək

"Sportinq"in vingeri Ceovani Kenda karyerasını "Mançester Yunayted"də davam etdirəcək.

 90deqiqe.Az "A Bola"ya istinadən xəbər verir ki, "qırmızı şeytanlar" 17 yaşlı futbolçunu 60 milyon avroya transfer etmək üçün razılığa gəlib.

Klublar qışda futbolçunun transferi ilə bağlı razılığa gəlsələr də, o, gələn yay komandanın heyətinə qoşulacaq.

Kenda bu mövsüm bütün turnirlərdə 34 oyun keçirib, iki qol vurub və altı məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 30 milyon avrodur.