"Arsenal" "Bavariya"nın hücumçusunu almaq istəyir

"Bavariya"nın hücumçusu Mathis Tel hələ də "Arsenal"ın maraq dairəsindədir.

90deqiqe.Az "Sky Sports"a istinadən xəbər verir ki, “topçular” qış ​​transfer pəncərəsinin sonunda hücum xəttini gücləndirmək istəyir. Forvardın alınması London top-klubunun prioritet məqsədidir.

Hər iki tərəf 19 yaşlı futbolçunun potensial transferi ilə bağlı danışıqlara açıqdır.

Telin transfer dəyəri 30 milyon avro olaraq qiymətləndirilir. Forvardın "Bavariya" ilə hazırkı müqaviləsi 2029-cu ilin iyunun sonunda başa çatır. Bu mövsüm Mathis Bundesliqada səkkiz oyun keçirib və bir məhsuldar ötürmə edib.