FİFA İngiltərə çempionu “Mançester Siti”ni cəzalandırıb.
Corner.az xəbər verir ki, FİFA şəhərliləri 370 min İsveçrə frankı məbləğində cərimələyib. Bu barədə qurumun rəsmi saytı məlumat yayıb.Cəzaya səbəb “Mançester Siti”nin 18 yaşa çatmamış futbolçuların transferində qanunsuzluqlara yol verməsi göstərilir.
Qeyd edək ki, bu qanunsuzluğa görə FİFA adətən klubların transferlər həyata keçirməsinə qadağa qoyur. Hansı ki, bu səbəbdən İngiltərənin digər klubu “Çelsi”yə fevral ayında 2 dönəmlik transfer qadağası qoyuldu. “Mançester Siti”nin də oxşar cəzaya məruz qalacağı gözlənilirdi. Lakin FİFA-nın yaydığı açıqlamada bildirilir ki, klub baş verənlərə görə bütün məsuliyyəti üzərinə götürüb və 370 min İsveçrə frankı cəriməni ödəyib.
