MLS klubundan rekord transfer

"Atlanta Yunayted" klubu "Midlsbro" klubundan hücumçu Emmanuel Latte Latan heyətinə qatıb.

90deqiqe.Az xəbər verir ki, 26 yaşlı futbolçunun yeni klubu ilə müqaviləsi 2028-ci ilin sonuna kimi nəzərdə tutulub. Müqavilədə onun daha bir il uzadılması variantı da var.

Bu keçid 21,2 milyon avro təşkil edib ki, bu da MLS tarixində ən bahalı transfer deməkdir.

Əvvəlki rekord 2024-cü ilin noyabrında Belçikanın "Brugge" klubundan hücumçu Kevin Denkinin transferi üçün "Cincinnati" klubutərəfindən ödənilən 15,5 milyon avro idi.

Latte Lat bu mövsüm "Midlsbro"nun heyətində bütün turnirlərdə 31 oyuna çıxıb, 11 qol vurub və 3 məhsuldar ötürmə edib.