"Barselona" yeni hücumçu seçib

"Barselona" hücum xəttini gücləndirmək üçün prioritet varianta qərar verib.

90deqiqe.Az "Todofichajes"ə istinadən xəbər verir ki, “mavi qranatlılar” Fransa çempionatında “Lill”də çıxış edən hücumçu Conatan Davidlə maraqlanır. La Liqa nəhəngi artıq kanadalı futbolçunun agenti ilə ilkin danışıqlara başlayıb.

Futbolçunun transfer dəyəri 45 milyon avro, əmək müqaviləsi isə 2025-ci ilin iyun ayının sonuna kimi hesablanıb. Kanadalı 2020-ci ilin avqustundan Fransa klubunda oynayır. Fransa çempionatının cari mövsümündə David 20 oyun keçirib. 25 yaşlı hücumçu 12 qol vurub və 3 məhsuldar ötürmə edib.